Ish beruvchilar uchun
Vakansiyani uzaytirish, to‘xtatish yoki yopish
E’lonni boshqarish — ish beruvchi kabinetidagi uning sahifasida.
Kabinetda vakansiyani oching
Ish beruvchi kabinetiga kiring. «Mening vakansiyalarim» bo‘limida har bir vakansiyaning holati, ko‘rishlar soni va javoblar soni ko‘rinadi. Keraklisini bosing: sahifasining tepasida e’lon raqami, holati, ko‘rishlar va tugmalar turadi.
Ko‘rishlarni kuzating
«Ko‘rishlar» — vakansiya sahifasini necha kishi ochgani. Bir kishi bir kunda bir marta hisoblanadi, sahifani necha marta yangilamasin. O‘zingiz kirganingiz hisobga olinmaydi.
Yana 30 kunga uzaytiring
E’lon 30 kun faol bo‘ladi. Muddat tugashiga ikki kun qolganda bot Telegram'da e’lon hali dolzarbmi deb so‘raydi. «Yana 30 kunga uzaytirish»ni bosing — muddat bugundan boshlab qaytadan hisoblanadi.
Vaqtincha to‘xtating va davom ettiring
«Vaqtincha to‘xtatish» vakansiyani katalogdan olib tashlaydi: u qidiruvda ko‘rinmaydi, javob berib bo‘lmaydi. Holati — «To‘xtatilgan». «Davom ettirish» uni darhol, qayta tekshiruvsiz qaytaradi. 30 kunlik muddat to‘xtatilgan paytda ham o‘taveradi.
Xodim topilganda yoping
«Ish topildi — yopish»ni bosing. Holat «Muddati tugagan» bo‘ladi, vakansiya sahifasida esa «Bu vakansiya yopilgan — ish o‘rni band» deb yoziladi. Javob berib bo‘lmaydi. Kelgan javoblar kabinetda qoladi.
Saytda e’lonni o‘chirib bo‘lmaydi: uni faqat to‘xtatib qo‘yish yoki yopish mumkin.
Qayta joylang
«Muddati tugagan» yoki «O'chirilgan» holatidagi vakansiyada «Qayta joylash» tugmasi bor. E’lon o‘sha matn bilan yana moderatorga yuboriladi. Kuniga uchta vakansiya cheklovi bunda ham amal qiladi.
E’lon tekshiruvdan o‘tmagan bo‘lsa, bu tugma bo‘lmaydi: uni «Shunga o‘xshashini joylash» orqali tuzatib, qaytadan yuboring.
Shunga o‘xshashini joylang
«Shunga o‘xshashini joylash» tugmasi shu vakansiyadan to‘ldirilgan formani ochadi: ish, maosh, grafik, joy, telefon va shartlar. O‘zgargan joylarini tuzating va «Tekshiruvga yuborish»ni bosing. Yangi e’lon paydo bo‘ladi — oldingisi o‘zgarmaydi.
Suhbat uchun savollar
O‘sha sahifada «Suhbat uchun savollar» bo‘limi bor. «Savollar tayyorlash»ni bosing — sun’iy intellekt vakansiyangiz bo‘yicha nomzodga savollar tuzadi. Qaror sizniki.